Nida Fazli
bahut der hai
bas ke aane men
aao
kahin paas ki lawn par baith jaaen
chatakhta hai meri bhi rag rag men suraj
bahut der se tum bhi chup chup khadi ho
na main tum se vaqif
na tum mujh se vaqif
nai saari baten nae saare qisse
chamakte hue lafz chamakte lahje
faqat chand ghadiyan
faqat chand lamhe
na main apne dukh-dard ki baat chhedun
na tum apne ghar ki kahani sunao
main mausam banun
tum fazaen jagao
Leave a Reply