Iffat Zarrin Poetess
jism-o-jan ki basti men silsile nahin milte
ab kisi bhi markaz se daere nahin milte
do-qadam bichhadne se qafile nahin milte
manzilen to milti hain raste nahin milte
barha tarasha hai ham ne aap ka chehra
aap ko na jaane kyuun aaine nahin milte
vaqt ki kami kah kar jehl ko chhupate hain
aj-kal kitabon men hashiye nahin milte
aaj bhi zamane men aadmi karishma hain
shoabde to milte hain moajize nahin milte
zindagi ka har lamha aarzu ka dushman hai
hadson ki khvahish men hadse nahin milte
aaj qatl karna bhi ban gaya hai fan ‘zarrin’
qatl karne valon ke kuchh pate nahin milte
Leave a Reply