Fatima Hasan
main tuut kar use chahun ye ikhtiyar bhi ho
samet lega mujhe is ka e’tibar bhi ho
nai ruton men vo kuchh aur bhi qarib aae
gai ruton ka sulagta sa intizar bhi ho
main us ke saath ko har lamha mo’tabar janun
vo ham-safar hai to mujh sa hi be-dayar bhi ho
mire khulus ka andaz ye bhi sachcha hai
rakhkhun na rabt magar dosti shumar bhi ho
safar pe niklun to rasm-e-safar badal jaae
kinara badh ke kabhi khud hi ham-kanar bhi ho
Leave a Reply