Poet
man-mauji hai ek dagar men rahta hai
dil ka dariya roz safar men rahta hai
ek patang udti hai meri soch men roz
dor liye vo pas-manzar men rahta hai
kaun lakiren khinch raha hai angan men
kaun hai jo is khali ghar men rahta hai
roz main in galiyon ki khair manati huun
roz ik shoala-khez khabar men rahta hai
kab tak main ghar ke darvaze band karun
khauf ye kaisa bam-o-dar men rahta hai
chunte the shahtut kabhi un raston men
ab pipal ka ped nazar men rahta hai
Leave a Reply