Ahmad Nadeem Qasmi
jo log dushman-e-jan the vahi sahare the
munafe the mohabbat men ne khasare the
huzur-e-shah bas itna hi arz karna hai
jo ikhtiyar tumhare the haq hamare the
ye aur baat baharen gurez-pa niklin
gulon ke ham ne to sadqe bahut utare the
khuda kare ki tiri umr men gine jaaen
vo din jo ham ne tire hijr men guzare the
ab izn ho to tiri zulf men piro den phuul
ki asman ke sitare to istiare the
qarib aae to har gul tha khana-e-zambur
‘nadim’ duur ke manzar to pyare pyare the
Leave a Reply