Poet
teri yadon ne tadpaya bahut hai
bhale hi dil ko samjhaya bahut hai
bahut zakhmi kiya hai dil ko tum ne
tumhin ko phir bhi apnaya bahut hai
khile rahte hain zakhm-e-dil hamesha
khizan ne zulm to dhaya bahut hai
lab-e-janan jo zamzam-atashin tha
havason par mire chhaya bahut hai
lughat men husn ki tarif dhundhi
magar har lafz kam-maya bahut hai
dil-e-atish ki sazish men ‘zamani’
shab-e-hijran ko garmaya bahut hai
Leave a Reply