Ambareen Haseeb Ambar
dil jin ko dhundhta hai na-jane kahan gae
khvab-o-khayal se vo zamane kahan gae
manus bam-o-dar se nazar puchhti rahi
un men base vo log purane kahan gae
us sarzamin se thi jo mohabbat vo kya hui
bachchon ke lab pe the jo tarane kahan gae
apni khata pe sar ko jhukaya hai aaj kyuun
azbar jo aap ko the bahane kahan gae
patthar samaaton se zaban gung ho gai
ham bhi gae to haal sunane kahan gae
be-mahri-e-yahat tujhe kuchh khabar bhi hai
dekhe gae jo khvab suhane kahan gae
bachpan saheliyan vo hama-vaqt ki hansi
‘amabar’ vo zindagi ke khazane kahan gae
Leave a Reply