Sauda Mohammad Rafi
batil hai ham se daava shaer ko ham-sari ka
divan hai hamara kiisa javahari ka
chehra tira sa kab hai sultan-e-khavari ka
chira hazar bandhe sar par jo vo zari ka
munh par ye goshvara moti ka jalva-gar hai
jaise qiran-e-baham ho maah o mushtari ka
aina-khane men vo jis vaqt aan baithe
phir jis taraf ko dekho jalva hai vaan pari ka
juz shauq-e-dil na pahunchun hargiz ba-ku-e-janan
ai khizr kab huun teri muhtaj rahbari ka
jo dekhta hai tujh ko hansta hai qahqahe maar
ai shaikh tera chehra mabda hai maskhari ka
talib hain sim-o-zar ke khuban-e-hind ‘sauda’
ahval kaun samjhe ashiq ki be-zari ka
Leave a Reply