Obaidullah Aleem
vo khvab khvab faza-e-tarab nahin aai
ajiib hi thi vo shab phir vo shab nahin aai
jo jism o jaan se chali jism o jaan talak pahunchi
vo mauj-e-garmi-e-rukhsar-o-lab nahin aai
to phir charagh the ham be-charagh raton ke
palat ke guzri hui raat jab nahin aai
ajab the harf ki lazzat men jalne vaale log
ki khaak ho gae khu-e-adab nahin aai
jo abr ban ke barasti hai ruh-e-viran par
bahut dinon se vo avaz-e-rab nahin aai
sada lagaen aur apna mazaq udvaen
ye ahl-e-dard pe uftad kab nahin aai
kiya hai apne hi qadmon ne paemal bahut
ye ham men kaj-kalhi be-sabab nahin aai
Leave a Reply