Meer Taqi Meer
betabiyon men tang ham aae hain jaan se
vaqt-e-shakeb khush ki gaya darmiyan se
dagh-e-faraq-o-hasrat-e-vasl arzu-e-did
kya kya liye gae tire ashiq jahan se
ham hamushon ka zikr tha shab us ki bazm men
nikla na harf-e-khair kasu ki zaban se
ab-e-khizar se bhi na gai sozish-e-jigar
kya janiye ye aag hai kis dudman se
juz ishq jang-e-dahr se mat padh ki khush hain ham
us qisse ki kitab men us dastan se
aane ka is chaman men sabab bekali hui
juun barq ham tadap ke gire ashiyan se
ab chhed ye rakhi hai ki ashiq hai to kahen
al-qissa khush guzarti hai us bad-guman se
kiine ki mere tujh se na chahega koi daad
main kah marunga apne har ik mehrban se
daghon se hai chaman jigar-e-‘mir’ dahr men
un ne bhi gul chune bahut us gulistan se
Leave a Reply