Kisan

Kaifi Azmi

chiir ke saal men do baar zamin ka siina

dafn ho jaata huun

gudgudate hain jo suraj ke sunahre nakhun

phir nikal aata huun

ab nikalta huun to itna ki batore jo koi daman men

daman phat jaae

ghar ke jis kone men le ja ke koi rakh de mujhe

bhuuk vahan se hat jaae

phir mujhe piste hain, gundhte hain, senkte hain

gundhne senkne men shakl badal jaati hai

aur ho jaati hai mushkil pahchan

phir bhi rahta huun kisan

vahi khasta, bad-hal

qarz ke panja-e-khunin men nidhal

is daranti ke tufail

kuchh hai maazi se ghanimat mira haal

haal se hoga hasin istiqbal

uthte suraj ko zara dekho to

ho gaya saara ufuq laln-lal