Faiz Ahmad Faiz
ab bazm-e-sukhan sohbat-e-lab-sokhtagan hai
ab halqa-e-mai taefa-e-be-talaban hai
ghar rahiye to virani-e-dil khane ko aave
rah chaliye to har gaam pe ghaugha-e-sagan hai
paivand-e-rah-e-kucha-e-zar chashm-e-ghazalan
pabos-e-havas afsar-e-shamshad-qadan hai
yaan ahl-e-junun yak-ba-digar dast-o-gireban
vaan jaish-e-havas tegh-ba-kaf darpa-e-jan hai
ab sahab-e-insaf hai khud talib-e-insaf
mohr us ki hai mizan ba-dast-e-digran hai
ham sahal-talab kaun se farhad the lekin
ab shahr men tere koi ham sa bhi kahan hai
Leave a Reply