Faiz Ahmad Faiz
aaj shab dil ke qarin koi nahin hai
aankh se duur tilismat ke dar va hain kai
khvab-dar-khvab mahallat ke dar va hain kai
aur makin koi nahin hai,
aaj shab dil ke qarin koi nahin hai
koi naghma, koi khushbu, koi kafir-surat
koi ummid, koi aas musafir-surat
koi gham, koi kasak, koi shak, koi yaqin
koi nahin hai
aaj shab dil ke qarin koi nahin hai
tum agar ho, to mire paas ho ya duur ho tum
har ghadi saya-gar-e-khatir-e-ranjur ho tum
aur nahin ho to kahin.. koi nahin, koi nahin hai
aaj shab dil ke qarin koi nahin hai
tonight there Is No One
Leave a Reply