Poet
tujhe ham yaad har-dam ai sitam ijad karte hain
yunhi apne dil-e-nashad ko ham shaad karte hain
basa kar ek duniya aaj ranj-o-yas-o-hirman ki
ham apne dil ke virane ko phir abad karte hain
asiri se hamen kuchh ho gai hai aisi unsiyyat
qafas se chhut kar bhi ham qafas ko yaad karte hain
hamari fitrat-e-mardana ki tafrih hoti hai
karam karte hain ham par aap gar bedar karte hain
Leave a Reply