Poet
yadon ka koi diip jalae to baat hai
vo chandni hai paas bulae to baat hai
aa kar kisi bhi baagh men mil jaae khair hai
gori agar na ghar pe bulae to baat hai
phir zikr chahaton ka samaat ka husn ho
phir dastan-e-vasl sunae to baat hai
hai vaqt mehrban to kare shad-kam dil
ye duriyon ke zakhm bhulae to baat hai
rut hai milan ki us ke bhi raste men aae hain
taaza gulab haath pe laae to baat hai
‘ashiq’ hai ashiqi ki zaruri hai gar use
is ashiqi men khud ko ganvae to baat hai
Leave a Reply