Gul Rahe Nahin Nam Ko Sarkash Hain Khaaran Al-Ayaz

Poet

gul rahe nahin naam ko sarkash hain kharan al-ayaz

khatke hai ankhon men ye suuna gulistan al-ayaz

khaak sar par kar bagule se gham-e-majnun men haae

phadta hai daman-e-sahra gareban al-ayaz

bas-ki har kante se dil chhed ek bulbul mar rahe

ho gaya gulshan khizan men bulbulistan al-ayaz

dalte hain ahl-e-duniya kheme ab sahra ke biich

faut-e-majnun se hai be-varis bayaban al-ayaz

nikle hai jeb-e-junun-e-subh se juun aftab

daagh hai chakon se uzlat ka gareban al-ayaz