Wajid Ali Shah Akhtar
garmiyan shokhiyan kis shaan se ham dekhte hain
kya hi nadaniyan nadan se ham dekhte hain
ghair se bosa-zani aur hamen dushnamen
munh liye apna pashiman se ham dekhte hain
fasl-e-gul ab ki junun-khez nahin sad-afsos
duur haath apna gareban se ham dekhte hain
aaj kis shokh ki gulshan men hina-bandi hai
sarv raqsan hain gulistan se ham dekhte hain
‘akhtar’-e-zar bhi ho mushaf-e-rukh par shaida
faal ye nek hai quran se ham dekhte hain
Leave a Reply