Poet
tire mizhgan ki faujen bandh kar saf jab huiin khadiyan
kiya aalam ko saare qatl lo thiin har taraf padiyan
dam apne ka shumar is tarah tere gham men karta huun
ki jaise shisha-e-saat men ginta hai koi ghadiyan
hamin ko khana-e-zanjir se ulfat hai zindan men
vagarna ek jhatke men juda ho jaaen sab kadiyan
tujhe dekha hai jab se bulbul-o-gul ne gulistan men
padi hain rishta-e-ulfat men un ke tab se gul-chhadiyan
fughan aata nahin vo shokh mere haath ai ‘taban’
lakiren ungliyon ki mit gaiin ginte hue ghadiyan
Leave a Reply