dekh Usko Khwab Mein Jab Aankh Khul Jati Hai Subh

Poet

dekh us ko khvab men jab aankh khul jaati hai subh

kya kahun main kya qayamat mujh pe tab laati hai subh

shama jab majlis se mah-ruon ki leti hai utha

kya kahun kya kya sunen us vaqt dikhlati hai subh

jis ka gora rang ho vo raat ko khilta hai khuub

raushnai shama ki phiki nazar aati hai subh

paas tu sota hai chanchal par gale lagta nahin

minnaten karte hi saari raat ho jaati hai subh

niind se uthta hai ‘taban’ jab mira khurshid-ru

dekh us ke munh ke taiin sharma ke chhup jaati hai subh