Poet
aisa kahan hubab koi chashm-e-tar ki ham
lab khushk ye muhit hai kab is qadar ki ham
aisa nahin gharib koi ghar-ba-ghar ki ham
aisa nahin kharab koi dar-ba-dar ki ham
mudam hi mushabbak-e-mizhgan-e-yar hai
lekin na is qadar rahe khasta-jigar ki ham
go aaj ham hain be-sar-o-pa dekhiye ki kal
ye rah-e-pul-sirat kare shaikh sar ki ham
ham bahste hain chak-e-gareban pe tere saath
aur dekhiye ki ham se rahe tu sahar ki ham
rote adam se aae the rote hi jaenge
aisa nahin azal se koi nauhagar ki ham
duniya ki nek o bad se mujhe kuchh khabar nahin
itna nahin jahan main koi be-khabar ki ham
puchha main us se kaun hai qatil mira bata
kahne laga pakad ke vo tegh o sipar ki ham
divan hamara ghaur se ‘taban’ tu dekh to
rakhta hai kab muhit ye ganj-e-guhar ki ham
Leave a Reply