Idhar Bhi Aa

Asrarul Haq Majaz

ye johd-o-kashmakash ye kharosh-e-jahan bhi dekh

adbar kii, saron pe ghani badliyan bhi dekh

ye top ye tufang ye tegh o sinan bhi dekh

o kushta-e-nigar-e-dil-ara idhar bhi aa

aa, aur bigul ka naghma-e-”jan-afrin” bhi sun

aa, be-kason ka nala-e-andoh-gin bhi sun

aa, baghiyon ka zamzama-e-atishin bhi sun

o mast-e-saz-o-barbat-o-naghma idhar bhi aa

taqdir kuchh ho, kavish-e-tadbir bhi to hai

takhrib ke libas men taamir bhi to hai

zulmat ke hijab men tanvir bhi to hai

aa muntazir hai ishrat-e-farda idhar bhi aa