Poet
shakl-e-janana ja-ba-ja hain ham
kahin naaz aur kahin ada hain ham
kahin iisa hain ham kahin murda
kahin zinda kahin fana hain ham
kahin aala hain aur kahin adna
kahin sultan kahin gada hain ham
hain kahin ashiq-e-jigar-e-khasta
kahin maashuq-e-dil-ruba hain ham
kahin qatra hain aur kahin dariya
kahin kashti ke nakhuda hain ham
hain kahin ham dava-e-dafa-e-dard
aur kahin dard-e-la-dava hain ham
kahin hain shaah surat-e-khadim
aur kahin ‘asim’-e-gada hain ham
Leave a Reply