Poet
pahlu men baith kar vo paate kya
dil to tha hi nahin churate kya
hijr men gham bhi ek neamat hai
ye na hota to aaj khate kya
murgh-e-dil hi ka kuchh raha mazkura
aur be-par ki vaan udate kya
raah ki chhed-chhad khuub nahin
vo bigadta to ham banate kya
sadma hasil hua alam laae
aur kuche se us ke laate kya
shaikh-ji kahte hain ghina ko haram
un se puchho to hain ye gaate kya
laghar hi se kafan men tha bhi main
meri mayyat ko vo uthate kya
khaak us kuche ki na la rakhte
to ‘sakhi’ qabr men bichhate kya
Leave a Reply