Nazeer Akbarabadi
dil ham ne jo chashm-e-but-e-bebak se bandha
phir nashsha-e-sahba se na tiryak se bandha
us zulf se jab rabt hua ji ko to ham ne
shane ka tasavvur dil-e-sad-chak se bandha
dekha na qad-e-sarv ko phir ham ne chaman men
jis din se dil us qamat-e-chalak se bandha
jo ahu-e-dil bha gaya us sad-fagan ko
jhap us ne use kakul-e-pechak se bandha
aur jo na pasand aaya use vo to ‘nazir’ aah
ne said kiya us ko na fitrak se bandha
Leave a Reply