Mushafi Ghulam Hamdani
bas ham hain shab aur karahna hai
ye aur tarah ka chahna hai
hai vaada-e-vasl aaj mujh ko
asbab-e-tarab basahna hai
hain navak-e-ghamza garche kaari
mera hi jigar sarahna hai
duniya hai sara-e-fani is men
jo aaya hai yaan so pahna hai
chitvan men kahe hai yuun vo maghrur
tujh se mujhe kya nibahna hai
ai ‘mushafi’ dil raha hai pichhe
us ko bhi zara nibahna hai
Leave a Reply