Poet
nashe men sahvan kar li tauba
aisi bholi ilahi tauba
haj men jab yaad aaiin vo ankhen
taq-e-haram par rakh di tauba
vaizon se rindon men aai
phirti hai bahki bahki tauba
qasmen kha kar phir se piina
munh ka nivala thahri tauba
daam men phansa mauja-e-mai ne
ik jhatke men tuuti tauba
bahr-e-gunah se paar utara
kashti-e-rahmat thahri tauba
pi ke ‘munir’ ab bada-e-kausar
mast hui hai meri tauba
Leave a Reply