Mirza Raza Barq
vo shah-e-husn jo be-misl hai hasinon men
kabhi faqir bhi tha un ke ham-nashinon men
agar hayat hai dekhenge ek din didar
ki mah-e-id bhi akhir hai in mahinon men
na ikhtilat na vo aankh hai na vo chitvan
ye kya sabab ki pada farq sab qarinon men
nahin buton ke tasavvur se koi dil khali
khuda ne un ko diye hain makan sinon men
maal-e-kar vahi sab ka hai vahi aghaz
hazar farq karen khud-parast dinon men
abas haris havas se zalil hote hain
amit hai ‘barq’ jo tahrir hai jabinon men
Leave a Reply