Poet
hamesha sair-e-gul-o-lala-zar baaqi hai
agar baghal men dil-e-dagh-dar baaqi hai
tufail-e-ruh mira jism-e-zar baaqi hai
hava ke dam se ye musht-e-ghubar baaqi hai
baghair ruh-e-ravan jism-e-zar baaqi hai
nikal gai hai savari ghubar baaqi hai
bahar men tujhe naale sunaunga bulbul
agar ye zindagi-e-mustaar baaqi hai
kahunga yaar se ik rose haath phaila ke
mujhe bhi hasrat-e-bos-o-kanar baaqi hai
jahan ko chashm-e-haqiqat se dekh o ghafil
khuli hai aankh abhi ikhtiyar baaqi hai
ummid hai hamen farda ho ya pas-farda
zarur hoegi sohbat vo yaar baaqi hai
Leave a Reply