Allama Iqbal
lab pe aatii hai duaa ban ke tamannaa merii
zindagii shama kii suurat ho Khudaayaa merii!
duur duniyaa kaa mire dam se a.ndheraa ho jaae!
har jagah mere chamakne se ujaalaa ho jaae!
ho mire dam se yuu.nhii mere vatan kii ziinat
jis tarah phuul se hotii hai chaman kii ziinat
zindagii ho mirii parvaane kii suurat yaa-rab
ilm kii shama se ho mujh ko mohabbat yaa-rab
ho miraa kaam Gariibo.n kii himaayat karnaa
dard-mando.n se zaiifo.n se mohabbat karnaa
mire allaah! buraaii se bachaanaa mujh ko
nek jo raah ho us rah pe chalaanaa mujh ko
Leave a Reply