Meer Hasan
dil ko us shokh ke kuche men dhare aate hain
shisha khali kiye aur ashk bhare aate hain
sar-kashi dil ne siyah chashm se kya ki hai ki jo
fauj-e-ghamza ki bandhe us pe pare aate hain
dil jo tu chahe to ja bazm men us ki ham to
dekh us surat-e-majlis ko dare aate hain
kushta-e-zahr-e-gham-e-hijr nahin tu to ‘hasan’
lakht-e-dil kyuun tire ashkon men hare aate hain
Leave a Reply