Poet
naubat-e-giriya o be-tabi-o-zari aai
bade hangame se kal yaad tumhari aai
nazaa men bhi vo yahan tak nahin aane deta
ai khuda ghair ko aa jaae hamari aai
un ko tashbih masiha se jo di vo bole
aaj maalum hua maut tumhari aai
kis taraf aae kidhar bhuul pade khair to hai
aaj kya tha jo tumhen yaad hamari aai
nala-e-bulbul-e-shaida to suna hans hans kar
ab jigar thaam ke baitho miri baai aai
Leave a Reply