Poet
gulzar men jo duur gul-e-lala-rang ho
vo be-hijabiyan hon ki nargis bhi dang ho
sayyad o baghban men bahut hoti hai salah
aisa na ho kahin gul o bulbul men jang ho
afsos maut bhi nahin aati shab-e-firaq
vo kya kare gharib jo jiine se tang ho
kaafi hai boriya hi faqiron ke vaste
maayub hai jo sheron ke ghar men palang ho
ladne ko dil jo chahe to ankhen ladaiye
ho jang bhi agar to mazedar jang ho
jo dost hain vo mangte hain sulh ki dua
dushman ye chahte hain ki aapas men jang ho
koi mare kisi ko khushi ho khuda ki shaan
matam kisi jagah ho kahin nach-rang ho
Leave a Reply