Insha Allah Khan Insha
mujhe chhedne ko saaqi ne diya jo jaam ulta
to kiya bahak ke main ne use ik salam ulta
sahar ek maash phenka mujhe jo dikha ke un ne
to ishara main ne taada ki hai lafz-e-sham ulta
ye bala dhuan nasha hai mujhe is ghadi to saaqi
ki nazar pade hai saara dar-o-sahn-o-bam ulta
badhun us gali se kyunkar ki vahan to mere dil ko
koi khinchta hai aisa ki pade hai gaam ulta
dar-e-mai-kada se aai mahak aisi hi maze ki
ki pichhad kha gira vaan dil-e-tishna-kam ulta
nahin ab jo dete bosa to salam kyuun liya tha
mujhe aap pher diije vo mira salam ulta
lage kahne aab maaya tujhe ham kaha karenge
kahin un ke ghar se badh kar jo phira ghulam ulta
mujhe kyuun na maar daale tiri zulf ulat ke kafir
ki sikha rakha hai tu ne use lafz-e-ram ulta
nire sidhe-sade ham to bhale aadmi hain yaaro
hamen kaj jo samjhe so khud valad-ul-haram ulta
tu jo baton men rukega to ye janunga ki samjha
mire jan-o-dil ke malik ne mira kalam ulta
faqat is lifafe par hai ki khat ashna ko pahunche
to likha hai us ne ‘insha’ ye tira hi naam ulta
Leave a Reply