Insha Allah Khan Insha
jab tak ki khuub vaqif-e-raz-e-nihan na huun
main to sukhan men ishq ke bolun na haan na huun
khalvat men teri baar na jalvat men mujh ko haae
baten jo dil men bhar rahi hain so kahan kahun
gaahe jo us ki yaad se ghafil ho ek dam
mujh ko dahan men apne lagi hai zaban zubun
shatt-e-amiq-e-ishq ko ye chahta huun main
abr-e-mizha se ro ke use be-karan karun
tufan-e-nuh aankh na ham se mila sake
aati nazar hain chashm se har pal ayaan uyuun
naseh khayal-e-kham se kya is se faeda
kab mere dil se ho havas-e-dil-baran barun
ye ikhtilat kijiye mauquf naseha
maaqul yaani dil use ai qadr-dan na duun
‘insha’ karun jo pairvi-e-shaikh-o-barhaman
main bhi unhon ki tarah se juun gumrahan rahun
khalvat-sara-e-dil men hai ho kar ke moatakif
baitha huun kya gharaz kahin ai jahilan hilun
Leave a Reply