Bhartendu Harishchandra
gale mujh ko laga lo ai mire dildar holi men
bujhe dil ki lagi bhi to ai mere yaar holi men
nahin ye hai gulal-e-surkh udta har jagah pyare
ye ashiq ki hai umdi ah-e-atish-bar holi men
gulabi gaal par kuchh rang mujh ko bhi jamane do
manane do mujhe bhi jan-e-man tyauhar holi men
‘rasa’ gar jam-e-mai ghairon ko dete ho to mujh ko bhi
nashili aankh dikhla kar karo sarshar holi men
Leave a Reply