Abroo Shah Mubarak
ham niin sajan suna hai us shokh ke dahan hai
lekin kabhu na dekha kiita hai aur kahan hai
dhunda hazar to bhi tera nishan na paaya
lashkar men gul-rukhan ke teri masal kahan hai
ab tishnagi ka roza shayad khule hamara
shaam o shafaq sajan ka missi o rang-e-pan hai
dil men kiya hai daava ankhiyan hui hain munkir
teri kamar ka jhagda in do ke darmiyan hai
rahta huun ai piyare qadmon tale tumhare
jis raah aavte ho aajiz ka vhiin makan hai
tujh khatt-e-pusht-e-lab men tis ka sukhan hua sabz
us ki zaban dahan men manind-e-barg-e-pan hai
piiri siin qad kaman hai har-chand ‘abru’ ka
is naujavan ki khatir dil ab talak kashan hai
Leave a Reply