Ali Sardar Jafri
abhi aur tez kar le sar-e-khanjar-e-ada ko
mire khuun ki hai zarurat tiri shokhi-e-hina ko
tujhe kis nazar se dekhe ye nigah-e-dard-agin
jo duaen de rahi hai tiri chashm-e-bevafa ko
kahin rah gai ho shayad tire dil ki dhadkanon men
kabhi sun sake to sun le miri khun-shuda nava ko
koi bolta nahin hai main pukarta raha huun
kabhi but-kade men but ko kabhi kaabe men khuda ko
Leave a Reply