Poet
tera hi main gada huun mera tu shaah bas hai
mujh shab ki raushni kuun tujh rukh ka maah bas hai
surma se gard-e-mizhgan saf bandh ke bithi hain
shah-e-nayan kuun teri yu qibla-gah bas hai
dil ki shikastagi suun paaya huun badshahi
karne kuun sarvari ke aisi kulah bas hai
mahshar ke khur ki tap siin kuchh dar nahin haman kuun
zulf-e-siyah ka saaya dil ki panah bas hai
do ja nahin hai jag men maujud juz khuda ke
is baat ki shahadat ik la-ilah bas hai
‘yakru’ hua hai paani sun ‘abru’ ka misraa
”rakhne ko yusufan ke ik dil ki chaah bas hai”
Leave a Reply