Zehra Nigaah
raunaqen ab bhi kivadon men chhupi lagti hain
mahfilen ab bhi usi tarah saji lagti hain
raushni ab bhi darazon se umad aati hai
khidkiyan ab bhi sadaon se khuli lagti hain
saaten jo tiri qurbat men giran guzri thiin
duur se dekhun to ab vo bhi bhali lagti hain
ab bhi kuchh log sunate hain sunae hue sher
baten ab bhi tiri zehnon men basi lagti hain
Leave a Reply