Tanveer Anjum
shahron ke saare jangal gunjan ho gae hain
phir log mere andar sunsan ho gae hain
in duriyon ki mushkil aankhon men bujh gai hai
ham an.suon men bah kar asan ho gae hain
aisi khamoshiyan hain sab raste juda hain
alfaz men jazire viran ho gae hain
tum barf men na jaane kab se jame hue ho
ham jaane kis hava ka tufan ho gae hain
jismon ki sardiyon men phir jal gae hain rishte
sab ek dusre ke mehman ho gae hain
Leave a Reply