Poet
apni ankhon ko aqidat se laga ke rakh li
teri dahliz ki mitti thi utha ke rakh li
tujh ko takte hi rahe raat bahut der talak
chand ke taaq men tasvir saja ke rakh li
dil si nau-khez kali teri mohabbat ke liye
sinch ke jazbon se pahlu men khila ke rakh li
is nae saal ke svagat ke liye pahle se
ham ne poshak udasi ki sila ke rakh li
dam ulajhta tha shab-e-tira ka tariki se
is liye chand ki qindil jala ke rakh li
Leave a Reply