Akhtar Shirani
aao be-parda tumhen jalva-e-pinhan ki qasam
ham na chhedenge hamen zulf-e-pareshan ki qasam
chak-e-daman ki qasam chak-e-gareban ki qasam
hansne vaale tujhe is hal-e-pareshan ki qasam
mere arman se vaqif nahin sharmaenge aap
aap kyuun khate hain nahaq mire arman ki qasam
niind aae na kabhi tujh se bichhad kar zalim
apni ankhon ki qasam tere shabistan ki qasam
lab-e-janan pe fida ariz-e-janan ke nisar
sham-e-rangin ki qasam subh-e-darakhshan ki qasam
aaj tak subh-e-vatan yaad hai ham ko ‘akhtar’
dard-e-hijran ki qasam sham-e-ghariban ki qasam
Leave a Reply