Parveen Fana Syed
jab bantana hi azaab thahra
phir kaisa hisab mangte ho
sab honton pe mohr lag chuki hai
ab kis se javab mangte ho
kaliyon ko masal ke apne hathon
phulon se shabab mangte ho
har lafz salib par chadha kar
tum kaisi kitab mangte ho
sab raushniyon ko chhin kar bhi
divanon se khvab mangte ho
firdaus-e-barin men mil sakegi
is yug men sharab mangte ho
Leave a Reply