Gudiya

Neel Ahmed

khilauna to nahin huun main

na mitti ka koi but huun

ki jab tum haath ko modo nahin hogi mujhe taklif

ki jab tum aankh ko phodo to chikhen bhi na niklengi

bina soche

bina dekhe miri shadi kisi gudde se kar doge

mire sar men kisi bhi naam ka sindur bhar doge

mujhe mujh se bina puchhe mujhi se duur kar doge

suno ye jaan lo tum bhi

muravvat chhod di main ne

jise gudiya samajhte the

vo gudiya tod di main ne

Reader Interactions