Shahryar
dil pareshan ho magar aankh men hairani na ho
khvab dekho ki haqiqat se pashemani na ho
kya hua ahl-e-junun ko ki dua mangte hain
shahr men shor na ho dasht men virani na ho
dhundte dhundte sab thak gae lekin na mila
ik ufuq aisa ki jo dhund ka zindani na ho
gham ki daulat badi mushkil se mila karti hai
saunp do ham ko agar tum se nigahbani na ho
nafraton ka vahi malbus pahan lo phir se
ain mumkin hai ye duniya tumhen pahchani na ho
Leave a Reply