Ahmad Faraz
dil-girafta hi sahi bazm saja li jaae
yad-e-janan se koi shaam na khali jaae
rafta rafta yahi zindan men badal jaate hain
ab kisi shahr ki buniyad na daali jaae
mushaf-e-rukh hai kisi ka ki bayaz-e-hafiz
aise chehre se kabhi faal nikali jaae
vo muravvat se mila hai to jhuka duun gardan
mere dushman ka koi vaar na khali jaae
be-nava shahr ka saaya hai mire dil pe ‘faraz’
kis tarah se miri ashufta-khayali jaae
Leave a Reply