Adil Mansuri
ye phailti shikastagi ehsas ki taraf
dariya ravan-davan hain miri pyaas ki taraf
us ka badan jhuka hua patthar ki bench par
apne qadam bhi mudte hue ghaas ki taraf
dikhla rahi hai dhuup bashashat ka aaina
aur chhanv khinchti hai mujhe yaas ki taraf
ashiya ki lazzaton men atakta hua badan
aur ruuh ka khinchav hai ban-bas ki taraf
sab ye samajh rahe the ki nirvan mil gaya
chakra rahi hai chiil magar maas ki taraf
Leave a Reply