Poet
nang nahin mujh ko tadapne se sambhal jaane ka
dar hai is khanjar-e-mizhgan ke phisal jaane ka
nabz-e-zanjir ke hilne se chhute hai ashiq
bul-havas kahve hua shauq nikal jaane ka
garche vo rashk-e-chaman mujh se hai baghi lekin
atish-e-gul se hai khauf us ke kumahl jaane ka
talkh lagta hai use shahr ki basti ka svaad
zauq hai jis ko bayaban ke nikal jaane ka
juun saba khanqahon men jo kabhu jaata huun
qasd hai ghuncha amamon ke kuchal jaane ka
Leave a Reply