Poet
ai yaar mujh afsurada-e-hijran ko pahunch tu
ai rashk-e-masiha tan-e-be-jan ko pahunch tu
fariyad-kash ik bose ka huun tere labon se
ai surma misi ke miri afghan ko pahunch tu
gar atish-e-dil nalon ki sarsar se na sulge
mat sard ho daman-e-bayaban ko pahunch to
bikhre hain sharar dil ke mire dud-e-fughan men
apne hi sar-e-zulf-e-zar-afshan ko pahunch tu
shayad ki ho is baghi chaman miir ka manzur
shabnam ho ke ai ashk gulistan ko pahunch tu
gar chaah hai sarsabzi-e-bakhton ki divane
atfal ke pathrav ki baran ko pahunch tu
pur-zang hai aina-e-dil hind se ‘uzlat’
gar chahiye saf haan to safahan ko pahunch tu
Leave a Reply