Poet
kaaba hai agar shaikh ka masjud-e-khalaiq
har but hai mire der ka maabud-e-khalaiq
nuqsan se aur nafa se kuchh apne nahin kaam
har aan hai manzur mujhe sud-e-khalaiq
main dast-e-dua us ki taraf kyunki uthaun
hota hi nahin charkh se maqsud-e-khalaiq
phirta hai falak fikr men gardish men ye sab ki
hargiz ye nahin chahta bahbud-e-khalaiq
‘taban’ mire mazhab ko tu mat puchh ki kya hai
maqbul huun khallaq ka mardud-e-khalaiq
Leave a Reply